無綫電視新聞提要
呢版講緊有關家下播緊嘅電視系列節目嘅信息。 佢包括基於用播出節目中嘅環境、節目贊助、節目嘅網站或者其他公開信息。呢版嘅內容可能會隨節目嘅播出而發生變化，並加多啲有效嘅信息。 |
節目歷史
編輯《新聞提要》喺1970年6月1日啟播。從民間發掘嘅片段得知，節目播放初期只係以影片顯示新聞內容，並由新聞報導員旁述。而新聞報導員要到1981年1月12號先出鏡。
1980年代，翡翠台喺每日18時15分前後播出一節《新聞點題》，預告稍後播出嘅《六點半新聞報道》內容，由六點半當班主播負責播讀提要。
喺1993年5月17號，呢個節目取代咗《新聞簡報》播出。
翡翠台喺1993年6月14號至1995年1月27號播出《六點十五分提要》，預報稍後播出嘅《財經新聞》及《六點半新聞報道》內容。
2016年2月22號，高清翡翠台改名為J5，並取消播出《新聞提要》。喺呢個之前，高清翡翠台除咗聯播翡翠台每節《新聞提要》之外，亦會喺港股交易日上午10時17分播映一節。
2020年12月1號起，因為香港模擬電視停播，《新聞提要》全面數碼化。
2020年12月7號至30號，由於增加喺星期一至五22:30播放一個鐘嘅電視劇《香港愛情故事》及隨後該時段播映《再見2020你仲好嗎》，《晚間新聞》延至23:30播映，故星期一至五喺22:45增加播映一節《新聞提要》。同年12月31號，由於騰出時間畀翡翠台直播《2020最美嘅夜跨年晚會》，《晚間新聞》提早至22:00播映，當晚《新聞提要》只喺20:45播映一節。至2021年起恢復平日播出時間。
2023年7月31號起，《新聞提要》取消喺星期一至五上午及下午播出，只保留每日晚上兩節。
2024年9月30號起，翡翠台晚間時段播完《新聞提要》之後，先播放無綫電視自家製電視節目預告廣告後然後播放翡翠台原定時間播放嘅電視節目。
播映頻道及時間
編輯- 翡翠台
翡翠台每日晚上8:45及晚上9:45。但節目表唔會列出呢兩節，不過臨時節目調動下《新聞提要》需要暫停播映或順延播映仍然會透過跑馬燈通知觀眾。
- 明珠台
明珠台嘅播映時間係晚上9點30分，每節約長1分鐘。