煉金術
煉金術（粵拼：lin6 gam1 seot6；英文 Alchemy，日文寫做鍊金術）係中世紀嘅一種化學哲學嘅思想同實踐，係當代化學嘅雛形。目標係透過化學嘅方法，將一啲基本金屬變成黃金，製造萬靈藥同製備長生不老藥。
而家嘅科學表明呢種方法係行唔通嘅，但係直到19世紀之前，煉金術重未俾科學證據所否定。連牛頓同一班出名嘅科學家都試過煉金術。現代化學嘅出現，先至令人懷疑煉金術嘅可能性。
影響
編輯内文：化學
煉金術經過現代科學證明係行唔通嘅。但係作為現代化學嘅先驅，喺化學發展史上起到一定嘅積極作用。透過煉金術，人累積咗化學操作嘅經驗，發明咗好多種實驗架生，識到好多隻天然礦物。煉金術喺歐洲成為現代化學嘅發展基礎。