煎餅磨坊舞會

煎餅磨坊舞會（法文：Bal du moulin de la Galette）係法國畫家雷諾亞（Pierre-Auguste Renoir）喺1876年忌一幅油畫，現存喺巴黎奧賽博物館，係印象派最傑出忌作品之一。畫中描繪出早期巴黎蒙馬特區煎餅磨坊（Moulin de la Galette）一個典型嘅週日下午。喺19世紀晚期，巴黎嘅打工階層都會喺黃昏裝扮好，然後外出跳舞、飲酒，同埋食煎餅。

好似雷諾亞其他畫作一樣，煎餅磨坊舞會係一幅典型印象派畫家現實生活中嘅定格。它顯示出豐富嘅形態，筆觸流暢，以及太陽下閃爍斑駁忌光線。

幅畫喺1879年到1894年由法國畫家古斯塔夫·卡耶博特（Gustave Caillebotte）收藏。卡耶博特死後，作為支付遺產稅而收歸國有。1896年到1929年喺巴黎盧森堡博物館（Musée du Luxembourg）展出。1929年，改喺羅浮宮，直至1986年轉咗去奧賽博物館為止。