爐峯峽

爐峯峽（Victoria Gap），又寫爐峰峽，英文繙爲域多利峽，《香港雜記》繙域多厘峽，係香港一坳，喺香港島扯旗山同歌賦山之間，係太平山脊深陷之處。呢帶係山頂區，亦係遊客常臨之處。有巴士、小巴同山頂纜車直達，去山頂各處遊覽嘅出發點。

圖爲域多利城北岸。右邊至高嘅大廈係國際金融中心二期。大廈右邊，背後高山係扯旗山，而大廈左邊，背後山坳係爐峯峽

名

英文叫Gap，唐文取佢狹窄之意，似夾之音，叫佢做峽。但爐峯峽，爲山脊一帶，比較平而無夾形，實則叫坳爲宜。

爐峯峽土名不詳，英文有Victoria Gap，有唔同唐字譯名，好似域多利峽、域多厘峽、維多利亞峽等。英文叫域多利，係以誌當時英王域多利（Queen Victoria）。因呢帶叫山頂區，所以又叫山頂峽。而爐峯峽呢個名，係後來先有。之所以叫爐峯，皆佢爲扯旗山頂一帶。而扯旗山一帶，舊時海防有紅香爐汛，後有人稱扯旗山爲爐峯，所亦叫坳做爐峯峽。

地理

爐峯峽喺兩山之間，西北有扯旗山，東南有歌賦山，兩峯連成山脊，個坳就係個凹位。

爐峯峽係分水嶺，分水南北。北入域多厘城，注入域多厘海口。南轉東入薄扶林，由薄扶林水塘蓄（讀草陰去）起，水過薄扶林南流，到瀑布灣入海。

街道

爐峯峽係山頂道、舊山頂道、柯士甸山道、夏力道、盧吉道同芬梨道交匯之處。

屋宇

爐峯峽一景。右爲凌霄閣

爐峯峽有山頂纜車總站，站上有凌霄閣。無幾遠有山頂廣場。