牛頭角（粵拼：ngau4 tau4 gok3；英文：Ngau Tau Kok）係香港新九龍東面嘅一個地方，喺佐敦谷南，九龍灣東，秀茂坪西，觀塘市中心西北，有住宅、工業大廈同商業大廈。牛頭角而家行政上屬於觀塘區。
牛頭角未填海嗰陣，原本係海角之一，亦係九龍四山之一，因為嗰處係石山嚟，有客家人移民落嚟打石，畀開埠無耐嘅香港同埋廣州等地起樓用。
