牟敦芾
牟敦芾（英文：Tun Fei Mou，1941年5月13號—2019年5月25號）係台灣電影導演。佢喺山東出世，細個跟老豆老母移居台灣。1977年之後，佢因為導演嘅電影俾台灣政府禁止上畫，轉去香港發展[1]。
生平
編輯牟敦芾喺國立藝術專科學校影劇科研習電影。1969年，喺台灣執導兩部小型製作《不敢跟你講》及《跑道終點》（1971），大受好評，但兩齣都俾台灣政府禁映，原因係題材太敏感（涉及師生戀及同性戀）。1973年，牟開始到歐洲同中美洲等地流浪咗四五年，以教中文為生，亦試過喺玻利維亞拍攝電影[1]。
1977年，牟去香港，簽約邵氏公司，成為基本導演。首作執導短片《鎗》，收入《姦魔》呢套戲，成為《香港奇案》系列其中一集。公映票房只屬一般，但邵氏對佢嫺熟嘅導演手法甚為滿意。跟手佢繼續喺邵氏公司開拍幾齣犯罪片，包括《撈過界》（1978），以及引起社會大眾議論紛紛嘅《打蛇》（1980）。喺《打蛇》呢齣戲，牟揀咗一個尖銳嘅社會題材，當年大陸偷渡客俾人「打蛇」嘅黑幕，完全冇保留噉渲染戲劇衝突、性、暴力同火爆場面，正面挑戰香港嘅電影檢查制度[1]。
1980年代初，牟返中國大陸拍戲。1983年，佢到四川執導由夏夢監製嘅功夫片《自古英雄出少年》。1988年，佢以抗日戰爭時期，日軍731細菌部隊攞中國平民做生化武器實驗嘅暴行作題材，幫銀都機構執導《黑太陽731》，再次展現佢對犯罪心理、視覺暴力、官能刺激情有獨鍾。幾年之後，佢再以中日戰爭慘痛嘅另一事件作背景，拍攝《黑太陽南京大屠殺》（1995），再度控訴日軍侵華暴行。1995年，佢同李華月夾份導演成人電影《血戀》之後，淡出影壇，移民美國[1]。
2019年5月25日牟喺美國費城去世。
個人生活
編輯牟敦芾同臺灣演員胡茵夢有過婚約，但結唔成。無耐同顧植拍拖結婚[2]顧植係醫學教授，阿爺係中華民國外交官顧維鈞，阿嫲係唐寶玥，太公係政治人唐紹儀[3][4]。
電影作品
編輯導演
編輯- 1969年：《不敢跟你講》
- 1970年：《跑道終點》
- 1977年：《紅樓春夢》
- 1977年：《香港奇案之五姦魔》（其中一橛，《鎗》）
- 1978年：《剪刀石頭布》
- 1978年：《撈過界》
- 1980年：《碟仙》（同張寶堅聯合導演）
- 1980年：《連城訣》
- 1980年：《打蛇》
- 1981年：《大大小小一家春》
- 1983年：《自古英雄出少年》
- 1988年：《黑太陽731》
- 1995年：《黑太陽南京大屠殺》
- 1995年：《血戀》（同李華月聯合導演）
演員
編輯- 1966年：《上山》[5]
參考
編輯- ↑ 1.0 1.1 1.2 1.3 〈香港電影導演大全 - 導演 - 牟敦芾 Tun Fei MOU〉。原著喺2017-09-08歸檔。喺2018-09-06搵到。
- ↑ 30 Something (2010-10-11)。〈牟敦芾隠姓埋名之作 (二): 血戀 (1995)〉。喺2018-09-06搵到。
- ↑ 〈珍贵历史照片 唐绍仪与南北议和〉 (中國中文)。1998。原著喺2011-07-18歸檔。喺2018-09-06搵到。
- ↑ 〈閱讀中文非小說八篇〉。《新浪部落》。原著喺2020-03-28歸檔。喺2018-09-06搵到。
- ↑ 2018年台灣國際紀錄片影展《上山》
出面網頁
編輯- 香港電影導演大全 - 牟敦芾
- 牟敦芾喺豆瓣電影嘅資料（簡體中文）
- 牟敦芾喺香港影庫嘅資料（香港繁體）
- 牟敦芾喺互聯網電影資料庫嘅資料（英文）
YouTube上面嘅Conversations with Mou嘅頻道（訪問牟敦芾，2010年美國）（英文）
