物哀

物哀（粵音：mat6 oi1，日文：物の哀れもののあはれ），係日本平安時代嗰陣極之重要嘅文學同埋美學概念之一。佢可以理解成係一種無常嘅哀愁同抑鬱，係由人睇到或者聽到嘅嘢啟發出嚟。簡單啲講，物哀即係喺主觀接觸外界（譬如話睇到、聽到、掂到）嘅嘢嗰陣，好自然抑或無端端噉產生出嚟嘅一種「真情流露」，可以係嘆息，抑或係鍾意、憐憫，甚至共鳴、同情，可以話乜嘢情緒都包含喺裏便。