物理量

物理量mat6 lei5 loeng6（英文：physical quantity）係指物理學上一個可以用數字去量化嘅特徵（即係可以定量），物理量可以係講緊一個過程或者一個狀態嘅特性，譬如長度、質量、時間、電流等等。每一個物理量嘅特定數值可以寫做一個數值同一個單位嘅積。向量嘅話就要表示埋特別指定方向同特定數值。^[1]

現代對「物理量」嘅理解係由 Julius Wallot 喺1922年引入，喺1930年代逐漸普及。佢嘅引入令「物理量」嘅定義同概念變得清晰同明確。^[2]

物理量嘅方程係物理定律嘅數學表達，用嚟描述物理系統嘅狀態同佢嘅變化，咁就可以講到唔同物理量之間嘅關係，而每個物理量通常會有一個對應嘅符號。物理量嘅方程通常唔受任何單位嘅影響。