特殊學校
特殊學校係專為身體上或智力上有特殊需要嘅學生而設立嘅學校，例如視障、聽障、肢體傷殘、智障、情緒或行為有問題等嘅學生，為佢哋提供特殊教育。
各地情況
編輯香港
編輯内文：香港特殊學校一覽
教育局會根據專業人士嘅評估同建議，喺家長嘅同意之下，轉介有較嚴重或多重殘疾嘅學童入讀特殊學校，以便接受加強支援，而其他有特殊教育需要嘅學童就可以入讀普通學校。香港共有60間資助特殊學校（包括一間喺18間公營醫院裏面開設班級嘅醫院學校），為視障、聽障、肢體傷殘、智障，同埋有情緒或者行為問題嘅兒童提供教育服務。呢啲特殊學校接受政府資助並由唔係政府嘅機構營辦。其中有部分學校亦擔當資源中心嘅角色，支援普通學校照顧有特殊教育需要嘅學生。
香港嘅特殊學校一般根據學生嘅特殊需要分為以下六種學校：
- 視障特殊學校
- 聽障特殊學校
- 肢體傷殘特殊學校
- 群育學校（為有適應困難學生而設，一般都係有紀律問題）
- 智障特殊學校（又分為：輕度智障特殊學校、中度智障特殊學校、輕中度智障特殊學校、嚴重智障特殊學校）
- 輕度智障兒童學校（智商介乎55至69分，最高到小五至中一嘅心智年齡）
- 中度智障兒童學校（智商介乎25至54分，最高到小學中高年級嘅心智年齡）
- 嚴重智障兒童學校（智商水平24分或以下，心智年齡完全係嬰兒階段）
- 醫院學校
臺灣
編輯喺臺灣，特殊學校係根據《特殊教育法》嘅規定設立，可以分為綜合性嘅特殊教育學校，或專門性嘅啟聰學校、啟明學校等。普通學校亦可以設立特殊教育班級以彌補特殊教育學校嘅不足。
日本
編輯喺日本，提供特殊教育嘅學校叫做「特別支援學校」（2007年之前叫做「養護學校」），根據提供教育同照護嘅唔同功能，可以分為智能同情緒障礙、肢體障礙、特殊疾病三種。