犬巡查

犬巡查，日本童謠。佐藤義美作詞，大中恩作曲。日本細路唱到耳熟能詳。初初一九六〇年見於兒童雜誌，兒書十月號。

原圖牧羊犬同種

雜誌日本表字いぬの　おまわりさん，而日本歌註冊就寫犬のおまわりさん。一九六八年佐藤義美死，由此支歌多人知。

歌仔有兩段，講貓仔迷路，一段犬巡查問佢名又唔知，屋企地埗又唔知。貓就喊出聲，狗就好困惑出聲。二段問鴉又唔知，雀又唔知。就咁貓又喊出聲，狗又困惑出聲。

寫貓仔迷路，中尾彰畫咗鄕村田野迷路圖，並畫咗派出所，前面有狗做巡查，亦即日本差人一種，而貓仔喺側邊。圖中狗為牧羊犬，而貓仔無喊，唔似果詞咁。歌詞以題詩寫喺上方，下邊附有樂譜。

歌詞長過當時童謠好多。交稿之時，總編輯問改短啲好毋，佐藤義美斷然拒絕。

大中恩將原詞每次四聲貓狗叫，變成八聲猫狗叫，以配合曲譜。