猶他茶壺

猶他茶壺（英文：Utah teapot）係電腦圖像上成日俾人攞嚟做例子嘅一個立體模型，亦係電腦圖像學界嘅圍內笑話，俾人睇成相當於電腦程式編寫當中嘅 Hello, World!，目的係，方便快手整一個最簡單嘅三維場景，裏頭有相對複雜嘅模型，以便安排場景同設置光源。

猶他茶壺

猶他茶壺係一個普通茶壺嘅數學模型，睇落實心，圓柱形同埋少少凸起。茶壺模型最早喺1975年由電腦圖像學研究員 Martin Newell 整出嚟，佢係電腦圖像程式嘅先鋒，當時喺猶他大學讀。