玄關二帝廟

元朗舊墟玄關二帝廟

玄關二帝廟或叫關帝廟，喺香港新界元朗舊墟長盛街嘅盡頭，幾時起已無從考究，估計係喺18世紀，廟裏面供奉玄天上帝同關帝，係香港一級歷史建築。

二帝廟係二合院式設計，一般廟宇門口嘅牌扁都係橫放嘅，而「二帝廟」就用豎直嘅形式，只有皇帝御賜嘅先至有。此外，供壇同跪墊中間，放咗一個小石鼎畀善信敬酒之用。二帝廟裏面有好多有價值嘅文物，包括由佛山隆盛爐鑄造，上面刻咗「康熙甲午年」（1714年）嘅銅鐘同重二百八十斤，上面刻咗「乾隆十三年」（1748年）嘅聚寶爐，從銘文可以見到只有蔡、王等姓捐獻，錦田鄧氏就無捐獻，可見西邊圍係由鄧氏以外雜姓開拓同居住，而家就姓林嘅居多，二帝廟由西邊圍打理。

參考

• 《新界宗族文化之旅》，嚴瑞源編著，萬里書店，ISBN：962 14 2936 6

出面網頁

• 二帝廟（玄關二帝廟）