王國潼

王國潼（英文：Wang Guotong，1939年6月11號—）係中國二胡琴師。1992年起住喺香港。

王國潼
出生日	1939年
[改維基數據]

1939年6月11號，王國潼喺遼寧大連出世，鄉下喺山東。佢阿爸叫王華懋。1944年屋企搬到天津。佢細細個就鍾意音樂，10歲開始自學二胡。1953年喺天津向前中學讀緊書，參加學校民樂隊。1955年考入中央音樂學院少年班。1960年，佢21歲，獲院長趙渢破格提拔，提前畢業留校，做中央音樂學院民樂系老師，教二胡。

1992年王全家搬到香港。佢做香港演藝學院中樂系主任，老婆李遠榕亦喺處教中樂。

屋企人

1968年1月，王同識咗6年嘅李遠榕結婚。李係歌手，亦擅長古箏。1972年9月4號，個仔王沐（後改名王憓）出世。王憓亦擅長二胡。