王岐山反貪

王岐山反貪係指中共中央政治局常委王岐山喺中共十八大之後做咗中央紀律檢查委員會書記，之後聯合中共中央總書記習近平喺中國共產黨內部進行嘅前所未有大規模反貪腐行動，俗稱「打老虎」，中紀委權力因而空前膨脹。

中紀委書記王岐山

反貪導致多名前任同現任高官落台，其中包括首個因貪污被調查嘅原政治局常委周永康同首個因貪污被調查嘅原軍委副主席徐才厚，兩個人被認為係江澤民嘅親信，喺胡錦濤時代分別掌控「刀把子」（公安）同「槍杆子」（軍隊）。

部分受查高官

• 周永康（前政治局常委；正國級）
• 徐才厚（前軍委副主席；副國級）
• 令計劃（全國政協副主席；副國級）
• 蘇榮（全國政協副主席；副國級）
• 郭伯雄（前軍委副主席；副國級）
• 孫政才（政治局委員、前重慶市委書記；副國級）