王征

  提示：呢篇文講嘅唔係王晶 (導演)、王晶 (球手)或王晶 (演員)。

王征（1963年7月23號—），本名盛承宗，係中國地產界企業家、前任亞洲電視執行董事高級顧問、榮豐控股董事長，全國政協委員、中國國民黨革命委員會中央委員會委員、北京市政協副主委。

家世

王征祖籍江蘇常州，有人話佢係大清實業家盛宣懷嘅曾孫。王征入主亞洲電視之後澄清過，佢的確係盛家第四代，但係唔係盛宣懷嘅曾孫，佢太爺其實係盛宣懷嘅堂細佬盛葵蓀。

王征阿爺盛觀頤，阿爸盛毓南，阿媽係八路軍老戰士王雲飛（王征跟阿媽姓），家姐盛小寧。

生平

王征1981年考入華東師範大學俄語系，畢業之後移民香港，攞到香港公民身份。1992年，因為用上海南京路一塊90,000平方米嘅地皮賺咗1.7億緡人民幣，而成為上海房地產界嘅「神話」。1998年喺北京開展地產事業。