王悅（粵拼：wong4 jyut6；2009年6月8號—2011年10月21號），花名小悅悅（siu2 jyut6 jyut6），係中國廣東佛山一個女仔。2011年10月13號下晝5點幾，佢喺南海區黃岐鎮廣佛五金城畀兩部車先後車過，18個行過嘅人都冇施救，最後小悅悅畀位收垃圾嘅阿姨——陳賢妹救起，之後送咗去廣州軍區廣州總醫院急救。
2011年10月21號朝早8點半，廣州軍區廣州總醫院舉行發佈會，話小悅悅由於傷勢過重，喺嗰日凌晨0時32分已經宣布死亡，終年2歲。
小悅悅呢單嘢令國人諗下家下中國嘅道德淪陷問題。
