王者匡Harry Wong1963年1月17號—),原名王家怡,綽號Harry哥哥,喺香港出世,係香港音樂家魔術師同兒童節目主持人,曾經主持香港電台亞洲電視無綫電視有線兒童台等嘅多個兒童節目。

王者匡
男藝人
原名王家怡
英文名Harry Wong
花名Harry哥哥
國籍 中國香港
永久居留權 香港
出世 (1963-01-17) 1963年1月17號(61歲)
 英屬香港
職業音樂家魔術師綜藝節目主持人
語言粵語英語
教育程度利物浦大學音樂教育及商業音樂課程
母校聖保羅男女中學
中華基督教青年會中學
配偶一丸綾子(2006年結婚)
仔女兩仔一女
活躍年代1980年代至今
經紀公司香港電台

生平 編輯

王者匡喺聖保羅男女中學中華基督教青年會中學英國皇家音樂學院畢業,大家對佢耳熟能詳嘅稱呼係Harry哥哥。阿爸係已故香港第一代兒童電視節目主持人,啲人叫佢做加明叔叔王曦

佢24歲第一次結婚,同第一任老婆有一仔一女,喺大仔16歲嗰陣同第一任老婆離婚。現任老婆係日本籍小提琴家一丸綾子,佢哋兩個再生咗一個仔[1]

佢喺利物浦大學完成音樂教育同商業音樂課程之後投身成為音樂家同老師。佢係倫敦聖三一音樂學院院士(牧童笛)同歐洲牧童笛協會會員。作為香港著名兒童音樂教育專家,對香港學界貢獻良多,佢所編著嘅音樂教科書《今日音樂》同牧童笛教程都喺香港嘅小學廣泛採用。

佢曾經擔任兒童話劇監製DJ、音樂導師、廣告人。

王者匡嘅音樂創作曾經收錄喺《五行欠玩》唱片度,佢亦同時以中文演繹韋史葛嘅歌曲,呢張唱片喺美國獲得「2004北美親子刊物金獎」同「2004父母推介獎」。

1986年加入香港電台,主持電視兒童節目。曾經喺2011年至2012年主持香港電台第二台節目《388放題》,亦係現時「Kido Town」東主。

1991年轉到新成立嘅新城電台,擔任《精選104》雙語節目嘅主持人,1996年晉升為精選104台台長。

王者匡曾獲邀請擔任香港管弦樂團香港舞蹈團香港中樂團嘅表演嘉賓。而家除咗定期為香港、澳門、英國、加拿大、德國等地方嘅觀眾設計同推出老少咸宜嘅表演之外,佢亦經常為各地大型活動擔任司儀同表演嘉賓,藝蹤處處。 舞台近作有:《五行欠玩》、《無嗰樣‧變嗰樣》、《我爹爹係魔術師1及2》、《腦筋斗》、《兒歌勁BAND SHOW》、《波波騷》、《魔力時計》等,都獲得一致好評。

除咗喺台上演出之外,佢亦係一項名為「變出彩虹」嘅魔術治療計劃嘅創辦人,活動內容包括同職業治療師合作,指導殘疾人士玩魔術,以達到治療功效。

2018年為聾人機構「龍耳」拍攝公益宣傳片,宣傳聾健共融[2]

王者匡嘅大仔而家亦係兒童節目主持,一家三代都係兒童節目主持。

參考 編輯

  1. Harry哥哥兩段婚姻三度為人父 已逝爸爸當年一句話影響今日教仔. 港經濟日報. 2019年12月16號. 喺2021年4月18號搵到.
  2. 耳十周年-Harry 哥哥 – Silence TV 龍耳電視 (臺灣中文). 原著喺2021-08-26歸檔. 喺2021-08-26搵到.

出面網頁 編輯