王迅

王迅，上海出生，1997年移民加拿大，因為喺加拿大無牌經營移民顧問公司，令過千名華人失去加拿大移民或公民身份而知名。

佢喺2006年至2014年期間，經營「新加威移民顧問有限公司」，以護照蓋假章、地址造假、就業造假、製造虛假文件、教唆客戶說謊等手段幫助上百名客戶攞到加拿大永久居民或公民身份，從中獲利逾1000萬加元，但從未就此繳稅。呢次係加拿大史上規模最大嘅移民造假案，東窗事發後，王迅喺2015年被判處7年監禁，但2018年獲得假釋出獄。

有啲人因此失去永久居民或公民嘅資格，亦有啲人喺調查期間自己放棄資格。不過，有啲喺案件入面失去資格嘅人，就提出上訴，指造假嘅係王迅同佢嘅員工，而唔係佢哋。佢哋又認為，加拿大公共安全部遲遲未有對無牌嘅移民顧問採取行動，亦要承擔責任。