飛髮師傅，男嘅通常叫飛髮佬，係專門幫人飛髮嘅師傅；佢哋屬於傳統七十二行之一。
佢哋嘅最基本服務係剪頭髮同洗頭。新式風格嘅飛髮師傅，往往着重比較精細嘅髮型設計、燙髮、染髮之類；佢哋因應專長，會叫自己做理髮師、髮型師及髮型顧問等。有種舊式風格嘅飛髮師傅，必備剃髮同剃鬚技術；然而未必緊貼潮流，俗稱上海師傅。有種新興嘅營業模式係速剪，標榜只剪髮、收費平同好快手。
飛髮師傅嘅舖頭，叫飛髮鋪。
街邊飛髮
