璦琿條約》係大清帝國俄羅斯帝國喺1858年(咸豐八年)5月28號喺璦琿(喺而家黑龍江省黑河)簽嘅條約,內容係大清需要將烏蘇里江以西嘅60萬平方公里外滿洲領土割讓畀俄國,而烏蘇里江以東嘅40萬平方公里外滿洲領土就變成清俄共管,取代兩國1689年簽訂嘅《尼布楚條約》。不過條約嗰時未有畀大清朝廷正式承認。

兩年之後嘅1860年,大清打輸第二次鴉片戰爭,俄國逼大清正式承認《璦琿條約》,同時加簽《中俄北京條約》,將《璦琿條約》入面兩國共管嘅土地同埋庫頁島都割埋畀俄國。