生命因愛動聽
《生命因愛動聽》（英文：Life Is a Miracle）係2001年由香港影音使團製作嘅福音電影，根據一位患癌社工真人真事改篇。
劇情簡介 編輯
風聞醫院係一個充滿神蹟嘅地方，又得到老公萬豪（郭耀明 飾）嘅支持，年青社工Tracy（陳松伶 飾）決定到一間專門收留絕症病人嘅西門山醫院工作。醫院裏面Tracy發現滿佈一片絕望氣氛，甚至專科醫生（楊群 飾）亦係奇怪嘅人。Tracy決定以自己嘅方法嚟幫助病人，點知班病人都唔受佢嗰套，弄巧反拙，令到一向好勝自信嘅Tracy好嬲。冇幾耐之後，傳出一個壞消息，喺驗身報告中，Tracy發現患上咗末期骨癌，結婚兩年對未來充滿希望嘅一對小夫婦，變得不知所措。諷刺嘅係Tracy入住西門山醫院接受治療，身份由社工轉變成為病人，身、心靈同自尊都受盡癌病折磨嘅Tracy變得意志消沉。
一直深愛老婆嘅萬豪對Tracy康復抱有極大嘅期望，佢更放棄電腦公司嘅高薪要職全力照顧老婆。Tracy對老公不離不棄嘅愛深受感動，但又驚自己離世之後萬豪會過度傷心，所以暗中為自己安排一切身後事同為老公搵新老婆。一次偶然機會，Tracy遇上燕姐（小金子 飾），喺燕姐嘅提點之下佢終於能夠明白「生命最大嘅神蹟，就係從絕望中搵到希望！」結果，Tracy同萬豪唔單止更懂得珍惜對方，而且更用自己嘅生命嚟改變四周嘅病人，直到佢離開世上嗰日。
演員表 編輯
出面網頁 編輯
- 生命因愛動聽 - 影音使團
- 《生命因愛動聽》喺香港影庫嘅資料