生果檔

生果檔係賣生果嘅檔口。而生果舖係賣生果嘅舖頭。前者可能要走鬼，因為怕俾差人拉，因為阻街。

生果檔

鮮搾果汁檔

賣生果最緊要新鮮，所以每日都要去批發商、果欄處，成箱成箱生果買返嚟賣。生果分大細好壞，賣價唔同，要分門別類，平靚正貨自然去得快，否則好多「籮底橙」。最後要出「十蚊賣晒」呢一招「速銷」。

講利潤，賣生果不如賣果汁。即搾鮮果汁寫字樓白領最鍾意，因為係健康飲品，價錢貴都飲得起。買果汁一定要即場鮮搾，如果係一樽樽入好晒嘅，可能係用籮底橙搾嘅，唔值錢。