化骨龍
(由生魚蛇跳轉過嚟)
吳錫章係廣東民間傳說中嘅一種生物。聽講佢個樣非常之似生魚，所以又有人叫佢做「生魚蛇」，同生魚唯一嘅分別，係多咗四隻腳，每隻腳有五隻爪。亦有個講法話，每一百條新孵來出嘅生魚仔裏面，就有一條係化骨龍。
傳聞話，如果食咗化骨龍，或者用佢來煲湯飲，身上嘅骨頭就會化晒而死。但係廣東人又鍾意食生魚來進補，於是就會撻生魚來避免食錯化骨龍。
不過呢啲都只係傳言，無科學根據。雖則有人話1950年代香港曾經有一家人飲咗化骨龍湯致死，新聞都有報過；又話1983年電視新聞同報章都曾經報過，有人撻生魚嘅時候發現化骨龍：但係由於年代久遠，如今都好難證實呢啲消息到底係堅定流。
另外，有人會將自己嗰竇仔女，叫做「化骨龍」，暗喻養大啲仔女好辛苦，心力交瘁，就好似自己棚骨俾人化咗咁樣。
出面網頁
編輯- WUnique 論壇 » 泰恐怖 » 1950年代出現過化骨龍，一家飲了化骨龍嘅湯都死晒，當時香港新聞都報導過 (2007-07-11T21:47)
- 生魚化骨龍 (2006-06-02T17:37)
- 撻生魚 (2006-06-19)