用家創新

用家創新（英文：user innovation）係廿世尾興起嘅一個諗頭，指由用家（一種冇份負責設計同生產件產品嘅人）作出嘅創新－現實表明，無論一件產品質素做到幾咁好，都冇可能會做到完美噉達到每位消費者嘅需要，而喺呢個時候，消費者好多時都會親自郁手改良件產品，想令件產品更加合符自己嘅需要^[1]。

例如電子遊戲業就有遊戲模組嘅現象－有好多受歡迎嘅電子遊戲嘅玩家，都會或多或少噉對隻遊戲唔係完全滿意，於是佢哋當中有啲就會編寫所謂嘅遊戲模組程式，用呢啲程式嚟改變隻遊戲嘅內容，遊戲模組有陣時會俾人放上網，仲可能因為整得好而吸引大量嘅玩家下載嚟用，俾人指可以算係由用家做嘅創新^[2]。