異形：孤立
《異形：孤立》（粵拼：ji6 jing4 gu1 lap6；英文：Alien: Isolation）係一款第一人稱生存恐怖匿埋遊戲，由The Creative Assembly開發，並由SEGA發行嘅。遊戲屬於《異形》系列一部份。
| 異形：孤立 | |
|---|---|
| Alien: Isolation | |
| 類型 | 生存恐怖、匿蹤 |
| 平台 | Microsoft Windows PlayStation 3 PlayStation 4 Xbox 360 Xbox OneMicrosoft Windows PlayStation 3 PlayStation 4 Xbox 360 Xbox One |
| 整 | The Creative Assembly |
| 系列 | 異形系列 |
| 引擎 | 自行開發引擎[1] |
| 模式 | 單人 |
| 發行日期 |
|
遊戲嘅背景設定為西元2137年，時間位於電影《異形》故事嘅15年之後、《異形2》故事嘅42年之前。遊戲中主角亞曼達（Amanda）正喺度著手調查佢阿媽艾倫·雷普利（Ellen Ripley）嘅失蹤事件。亞曼達嚟到太空站「Sevastopol」試圖去搵嚇「Nostromo」太空船嘅飛行紀錄，但太空站已俾異形入侵咗。
玩法
編輯The Creative Assembly嘅製作公司將《異形：孤立》形容係一款生存恐怖遊戲而唔係動作射擊遊戲，因此遊戲嘅風格較為接近雷利·史考特執導嘅恐怖電影《異形》，而唔係詹姆士·卡麥隆嚟執導、較為偏向《異形2》嘅動作電影。有別於第啲《異形》主題嘅遊戲，《異形：孤立》入面大部分時間只會出現一隻異形而且冇得殺死佢，玩家需要生存落去就要使用匿埋技巧。雖然遊戲入面有武器，但呢啲武器只係對人類同「Working Joes」機器人有攻擊作用。
遊戲入面異形嘅人工智慧俾設定為利用視覺、聲音同埋嗅覺嚟追住主角而唔係依照固定嘅路線巡邏。異形嘅人工智慧包含多組複雜嘅行為模式，將隨著遊戲嘅進行逐漸開啟，產生異形喺接觸玩者嘅過程入面亦逐漸識得成長。異形具有調查「次要存在證據」嘅能力，例如喺注意到個置物櫃或氣壓鎖俾人開咗，牠就會搵打開佢嘅人。玩家可奔跑嚟增加移動速度，但腳步聲會引起異形嘅注意。玩者持有手電筒和可追蹤異形動作嘅偵測器，但使用時產生嘅光線同聲響會畀異形更容易搵到玩家藏身嘅位置。玩家可匿喺桌子底下或置物櫃等空間入面，呢個時候可能需要㩒住遊戲操作器嘅掣嚟避免發出呼吸聲。遊戲嘅關卡採用非線性設計，每個空間都有多個出入點，為玩家同異形提供唔同嘅攻擊同逃亡路線。
遊戲入面冇抬頭顯示器嘅設計，玩家只能透過所持有嘅物品嚟攞各種資訊，例如使用偵測器嚟檢視異形所在嘅位置，但使用時會觸發景深效果，等玩家無法同時聚焦觀看偵測器同周圍嘅環境。偵測器只能偵測到異形嘅大略位置而冇得攞精確嘅位置，異形若靜止唔郁也冇得偵測。遊戲入面設計有製造系統，玩家可透過製造武器同工具嚟防衛自己。製造所需嘅物件隨機分布喺地圖入面而唔喺固定嘅位置，界玩家喺每次玩時都需探索成個關卡嚟搵到所需要嘅物件。遊戲入面玩家將有機會入侵各種電腦同電子裝置嚟取得資訊或觸發機關。
劇情
編輯2137年（異形事件後15年），阿曼達·蕾普莉（Amanda Ripley）搵到其下落不明之母親愛倫·蕾普莉（Ellen Ripley）嘅消息：其宇宙船諾斯特羅莫（Nostromo）嘅飛行記錄儀已畀發現同送至環繞氣體行星KG348運行嘅太空站塞瓦斯托波（Sevastopol）。為咗了解母親下落，蕾普莉與Weyland-Yutani企業之機器人塞繆爾斯（Samuels）同埋行政人員妮娜·泰勒（Nina Taylor）登上宇宙船多倫斯（Torrens）去緊塞瓦斯托波，但喺離艦登上太空站時因發生意外，導致蕾普莉同二人分離而被迫獨自行動。
蕾普莉喺站入面探索同多倫斯號聯絡，發現站入面嘅人員數量大幅減少，大多已成為向陌生家即時開槍嘅拾荒者，當中一人喺蕾普莉答應提供逃生機會後願意合作，並表示有個不明生物於站入面肆虐。呢個生物現身冇幾耐殺死咗個拾荒者；蕾普莉走甩之後搵返飛行記錄儀但發現資料已唔喺度，因此欲透過太空站通訊中心同多倫斯號聯絡，過程入面目擊站入面機器人殺害諗住發出求救訊號嘅生還人員。
蕾普莉其後與塞繆爾斯同泰勒合會，並同太空站上將維待斯（Waits）同埋佢下屬里卡度（Ricardo）見面。維特斯希望蕾普莉協助消滅該異形嘅計劃：將佢困住喺太空站某區域後將佢分離。蕾普莉成功將異形引到目標地點後卻發維特斯用她作餌，將她連同廢棄區域同異形一同分離。蕾普莉及時着咗件太空衣並從密封艙彈射逃走返去太空站；嗰個異形同廢棄區域俾KG348引力吸引而墜落。
站入面嘅機器人突然攻擊班生還者，維特斯俾殺害而里卡度仲生還。為咗阻止場屠殺，塞繆爾斯諗住連接太空站人工智慧「阿波羅」（APOLLO），雖然俾系統保安關掉但成功畀蕾普莉進入電腦核心。阿波羅表示Weyland-Yutani已買咗成個太空站，同時命令站入面所有機器人不惜一切保護啲異形。喺蕾普莉質問點解指令喺異形已俾剷除咗之後仍然生效後，核心著她前往太空站反應爐：異形已喺呢一處建立晒巢穴並生咗多個蛋。蕾普莉利用反應爐毀滅咗巢穴但多隻異形走佬去站入面。
蕾普莉喺里卡度個度知道咗泰勒嘅真正目的係受命帶返啲異形，泰勒亦喺阻止一名人員利用電子超負荷毀滅太空站以殺哂所有異形嘅時候死咗，蕾普莉雖然阻止咗超負荷但太空站因重力穩定裝置於過程入毀減而即將墜落KG348，里卡度亦喺蕾普莉成功聯絡多倫斯號後俾異形幼體襲擊死咗。喺多倫斯號同太空站對接後，着咗太空衣嘅蕾普莉最終喺眾多異形圍攻嘅時候整爆炸協助多倫斯號分離，同時俾爆炸吹去船艦而著艦，但蕾普莉喺船艙內遇上一隻異形。蕾普莉喺異形落手之前退去密封艙並將佢打開，將佢同異形一齊吸出太空。
攷
編輯- ↑ Kubba, Sinan (2014-01-07). "Alien: Isolation unveiled as survival horror with roots in 1979 film [update]". Joystiq. 喺2014-01-08搵到.
- ↑ "Alien: Isolation release date set for October 7". 原著喺2014年4月14號歸檔. 喺2018年8月4號搵到.
出面網頁
編輯- 異形：孤立嘅官方網站
- 《異形：孤立》喺互聯網電影資料庫嘅資料（英文）