異性裝扮（粵拼：ji6 sing3 zong1 baan6；英文：cross-dressing），簡稱異裝，係指著上異性嘅衫，即係男性著女性嘅衫（男扮女裝）或者女性著男性嘅衫（女扮男裝）噉嘅情況。異性裝扮呢種情況喺表演藝術當中頗為常見，例如粵劇就有男花旦呢家嘢，即係有男演員著住女裝扮女性角色，又有所謂嘅女小生，畀女演員著住男裝上陣[1]。
亦可以睇吓芭蕾舞當中女舞蹈員著男裝上台，即係所謂嘅 Danseuse en travesti。
有啲人會著異性嘅衫嚟滿足性癖好。
