盒舞步

盒舞步（英文：box step）係多種社交舞（華爾茲等）嘅基本步，涉及跳舞嘅人嘅腳板嘅幾種移動方式，而因為呢啲移動方式涉及兩個人四隻腳板喺一個大致上成正方形（似一個盒）嘅空間入面移動，所以就叫做盒舞步。

六大步驟

盒舞步嘅一種形式涉及以下六個步驟（下圖；L 表示左腳，R 表示右腳），初始位置係雙方面對面而且雙腳腳板合埋，跟「1 2 3 1 2 3」噉嘅拍子嚟跳，下圖當中黑色腳板係帶領方（傳統上係男士），而紅色腳板係跟隨方（傳統上係女士）：

• 1：帶領方右腳向前移，同時跟隨方左腳向後移；（1 至 3 對帶領方嚟講係「向前-向側-合返埋一齊」）
• 2：帶領方左腳向左前移，同時跟隨方右腳向右後移；
• 3：帶領方右腳向左移，同時跟隨方左腳向右移，令雙方都返去雙腳合埋嘅狀態；
• 4：帶領方左腳向後移，同時跟隨方右腳向前移；（4 至 6 對帶領方嚟講係「向後-向側-合返埋一齊」）
• 5：帶領方右腳向右後移，同時跟隨方左腳向左前移；
• 6：帶領方左腳向右移，同時跟隨方右腳向左移，令雙方都返去雙腳合埋嘅狀態；
• 喺上述過程途中，帶領方對手要一路拖住跟隨方嘅，但唔可以拉或者推對方。

華爾茲應用

睇埋：華爾茲

喺華爾茲當中，每吓踏步對應一吓拍子，所以 1 至 6 重複一次係兩段節拍。

睇埋

• 社交舞
• 拍檔舞