盤古王公園

 盤古王公園（粵拼：pun4 gu2 wong4 gung1 jyun2） 係中國廣東廣州一公園兼景區，1993年起好，喺花都區獅嶺鎮西北邊嘅龍田面村入面，南靠山前旅遊大道同肇花高速；東靠京廣鐵路同廣清城軌；西靠前進村林場；北邊隔籬就係清遠清城區銀盞鎮一帶。佢亦係古「南海中盤古國」遺址之一，相傳係盤古王开天辟地之地。

正門牌坊（正面）

售票處門口附近

煙霞亭

公園入面嘅盤古王門樓同盤古王廟、山頂嘅煙霞亭，亦係成間公園入面嘅招牌景區之一。喺每年農曆八月十二同埋九月初九期間超多人流。

景區

門樓

正門招牌。有4條柱，入面兩條粗，出面兩條幼，代表嘅係惡龍惡獅收復，變成造福於民嘅龍獅。有5個天面，代表嘅係「金木水火土」呢五行。正面寫住「盤古王公園」五隻大字係由嶺南畫派大師——關山月寫出嚟。背面寫住「功德配天」四隻大字係由詩人——劉逸生所作，字係由花都區書法學會會長——湯耀負責寫出嚟。

盤古王廟

廟正門東邊條路上去400m即到。大清嘉慶十四年（1809年）起好，期間出現好多次燒冧，直到光緒廿四年（1898年）先至由民間出錢重起，兼喺三年後（1901年）起好；重喺1985年重新修輯咗次。個廟成日好多人嚟拜祭或訪問，好多時香火旺盛。

煙霞亭

山頂景區之一，從山腳到山頂需要行1.5～1.8km路程先至到。亦係花縣（而家係花都區）八景之首，有「盤古煙霞」嘅稱呼。座亭喺2006年（丙戌年）10月30號由廣州華尼有限公司負責出錢起好。入面有兩層樓同一條迴旋式樓梯。

飛同開放時間、注意事項

飛

• 入場一次CNY￥8
• 年紀≤6——免費
• 身高≤140cm——免費
• 年紀＞60（要有老人證）——免費
• 現役軍人（要有軍官證）、榮譽軍人（要有軍官證）——免費
• 殘疾人（要有殘疾證）——免費
• 團體（人數＞20）——八折優惠，起步價CNY￥128。
• 6＜年紀＜18——五折優惠
• 全日制大學（本科以下）——五折優惠
• 春節、國際勞動節、中華人民共和國國慶公眾假期——五折優惠

開放時間

• 每日08:00～17:00
• 盤古王誕：06:00～21:00
• 重陽節：24個鐘開放
• 發生橫風橫雨、行雷閃電、強颱風等惡劣天氣時，公園暫停開放。

注意事項

• 公園嘅林區入面唔畀用火或點著蠟燭上山或燒炮仗。
• 唔畀帶易燃易爆等有毒危險品入園。
• 大型狗隻唔畀入場
• 公園入面唔畀亂寫亂畫亂黐嘢，燒完啲蠟燭必須要掟入指定地方。
• 唔好爬上山上啲岩石或企（坐）喺懸崖邊
• 公園唔畀搞鹹濕、賭錢、吸毒等任何違法犯罪行爲。
• 未經批准，唔畀喺公園入面擺地攤或搞集會。
• 公園門樓入面場地淨畀臨時停車用，唔畀學揸車或練車。

連出去

• 盘古王公园 广州数字图书馆
• 盘古王旅游区 同程旅行
• 【廣州花都盤古王廟】廣州花都盤古王廟旅遊攻略簡介 永安旅遊