睡袋

睡袋，袋一種，寢具一種，包住全身以方便瞓覺，代替被，有時代替埋枕頭。一般講野外過夜用，亦有屋內用。而蘇蝦仔同年幼嘅細蚊仔，都有用。唔同用法，款式質料各有唔同。

睡袋

蘇蝦瞓睡袋

當今野外用會注重保暖，防水亦好重要，帶起來又要輕，收起來又要細。室內用會單薄啲。蘇蝦仔、細蚊仔瞓覺用，就防止佢甩出來，亦防止冚住頭，以免抖唔到氣窒息。

未有睡袋之前，啲人野外過夜，會帶張氈卷住全身。後來發明睡袋，當初就縫埋張氈，縫埋枕頭。後尾就用駱駝毛，再來就改用填充物料，好似羽毛之類。後來發明人造纖維，就日漸演進成今日嗰款。

依家亦唔止野外用，長期瞓街嘅人，即露宿者，都會用睡袋。