石岐

石岐係中國廣東中山一區，面積26平方公里，人口17萬。

石岐一景

特產

石岐有出名嘅石岐乳鴿、杏仁餅、粉果金吒。

話

石岐話主要喺廣東中山市中間嘅石岐以及附近地區用，同廣州話相似，但唔係完全一樣。一啲名或一般用法同廣州話相比有佢獨特一面。石岐人易明白廣州話，但廣州人或香港人就未必明白石岐話。例如廣州話「瞓覺」，石岐話就叫「寐覺」（寐音讀「眯」[mī]）。石岐話形容一個人懶話「吃寐屙坐」。廣州話「頭先」，石岐話叫「近先」（音「緊思」[gern see]）、「啱先」。另外石岐話喺口音方面同廣州話亦有唔同。

1970年代後期，因為大眾傳媒發達而導致石岐話不斷向廣州話靠攏，唔少舊音同辭彙用法都逐漸消失。以「寐覺」為例，而家都用「瞓覺」取代。「客間」（廚房）、「銀錢」（即係元，蚊，「兩個銀錢」即係兩蚊）呢啲舊石岐話，中山嘅後生仔女已經好少用。