硯

硯（inkstone）係磨墨用嘅石，係文房四寶之一。硯通堂係石一塊，上面係平有凸邊，可以裝到墨汁。中國嘅墨，係造成一條條，方便帶走。黑條喺加咗水硯嘅上面，磨成汁，畀毛筆yaam3墨寫字。硯除咗文具之一，亦畀人當藝術品咁收藏鑑賞。除咗石之後，亦有用瓷，磚等唔同料造。

端硯

史

硯由唐而起，宋達至頂峯。

現代書法，有更方便嘅樽裝墨汁，倒入墨盒內。重有可筆醮水點墨嘅墨條，甚至有化學毛筆，經已唔使點磨墨。所以家下都少用硯。

名硯

硯最出名係端硯，出自廣東端溪。其他出名有歙硯，來自安徽歙縣；洮河硯，來自甘肅南部；澄泥硯，來自河南洛陽。呢四隻係係中國嘅四大名硯。而另有南端北易，端固名係端硯，而易係易水硯，來自河北。

唐時亦有磚硯，來自銅雀台遺磚。

故仔

宋末何蘧《春渚紀聞》有記。宋徽宗召米芾寫字，米芾睇到皇帝檯上有名硯，一寫完字，就抱硯跪求曰：「此硯經臣濡染，不可復以進禦，取進止。」於是徽宗易硯畀佢。米芾舞蹈以謝，又怕皇帝後悔，便急住抱硯返屋企，連衫都黑埋。徵宗嘆日：「顛名不虛得也。」