碘一三一

碘一三一（碘讀顛；英文Iodine-131），全稱碘一三一同位素或者碘同位素一三一，係碘元素嘅同位素之一。因佢原子量係一百三十一而名。因爲佢會輻射，人稱放射碘（radioiodine），雖則碘唔係得呢隻同位素會輻射。

碘一三一同其他同位素一樣，有質子五十三粒，但中子就有七十八粒，所以夾埋原子量有一百三十一。碘一三一個核子，好唔穏定，當中一中子會轉成一質子，放出一電子同能含光能之丙種射綫，元素轉化成氙一三一，先至穏定，唔會再放射。佢嘅輻射，就係射出嘅電子同能量。碘一三一嘅半衰期約八日之久，準確啲係八日又萬分之一百九七。

碘一三一係由鈾、鈽（鈈）核分裂而來，而釷嘅分裂物，亦會生出碘一三一。