示範單位

示範單位係地產發展商賣住宅單位嗰陣將要賣嘅單位用一比一比例搭建出嚟嘅場景，等買家可以親眼睇到個單位係點樣。呢個安排多數出現喺賣樓花而未有現樓嘅情況。

示範單位

示範單位可以分做兩類：一類係同交樓標準一樣嘅「清水房」，有啲係乜裝修都無，另外一啲係發展商會包埋一啲裝修同傢俬電器，隨單位附送；另一類係已經模擬有晒全套裝修同傢俬電器嘅「化妝房」，當中嘅裝修同傢俬電器並唔係隨單位附送嘅。