社會工作者註冊局（Social Workers Registration Board）係根據香港法例第505章《社會工作者註冊條例》喺1998年1月16號成立嘅香港法定機構，負責監察香港社會工作者嘅素質，保障服務使用者同埋公眾嘅利益。社會工作者註冊局由十五位成員組成，當中八位由註冊社工選出、六位由香港特別行政區行政長官委任，重有一位係社會福利署署長或者佢嘅代表，每屆成員嘅任期係三年。
