神秘主義

神秘主義（Mysticism，希臘話 μυστικός mystikos）係一種宗教現象，即係指通過某啲修煉或者方法，去達到某一種精神或者靈性嘅境界，至於達到乜嘢境界，就要視乎唔同宗教嘅信仰目的而定，唔同宗教嘅神秘主義表達方式都唔同，但普遍計都係以感受同神之間關係為主要目的，所以以有神論做基礎嘅宗教，都會涉及神秘主義。

宗教學角度認為，神秘主義係所有宗教嘅核心，甚至就係宗教嘅本質，但亦有啲學者認為神秘主義只係構成宗教嘅其中一個元素。神秘主義嘅神秘，其實係指每個宗教信仰最終極嘅對象，而呢個對象好多時係唔可以解釋、接觸或者表達得到，所以為之神秘。

雖然有人認為神秘主義只係喺宗教入面其中一種形式，不過亦有純粹神秘主義嘅宗教或者宗教派系，例如諾斯替主義就係一種神秘主義嘅信仰，而諾斯替主義亦對基督教、猶太教重有好多宗教都造成影響，好似猶太教嘅神秘主義派系喀巴拉，基督教嘅馬田教派，或者伊斯蘭教嘅蘇菲派，都係純粹以神秘主義作為宗教形式。

定義

廣義上神秘主義唔一定係同宗教有關，例如突然聽到一個詞，或者見到一個景物，或者任何一種感受，會突然吸引咗去，而且覺得同自己好有關係，至於點解會有咁強烈感受，自己都解釋唔到，呢啲都屬於一種神秘經驗。

宗教神秘主義

宗教學角度認為神秘主義係所有宗教嘅基礎，甚至認為神秘主義就係宗教本身，不過亦有一個學術定義，宗教神秘主義要合乎四點：

參考

• 《宗教經驗之種種》立緒出版社 ISBN 957-0411-36-8
• 《猶太教神秘主義主流》 四川人民出版社 ISBN 722004181/B213