福爾摩師奶

《福爾摩師奶》（英文：The Ghetto-Fabulous Lady），原名《危城First Lady》，係香港電視廣播有限公司拍攝製作以香港開埠初期為時代背景嘅懸疑查案電視劇，由陳松伶、黃智賢同陳煒領銜主演，並由徐榮、江嘉敏、陳瀅同余德丞聯合主演，監製方駿釗。

故仔背景係20世紀頭嘅香港油麻地，講位爵士夫人化身女偵探查案，而劇入面嘅連環兇殺案改編自英國出名懸案劏人殺手積克（Jack the Ripper）。

演員

劇中嘅情節包括：
- 劏人殺手積克喺1888年犯案，劇集提及犯案係喺約莫20年前；
- 出現吳松街嘅原名堅尼地街，呢條街喺1887年起好，並喺1909年改用而家個名；
- 出現「巡警道」嘅職銜，呢個職銜喺1909年到1916年期間用；
- 因此，可推算劇中時代係1909年。
但下面嘅歷史事件都唔符合當時嘅時代：
- 劇中嘅「油麻地」正爭取電力供應，但現實中嘅油麻地喺1903年已由中華電力提供電力供應。
- 劇中出現「華民政務司」嘅職銜，喺1913年先至開始用。之前嘅職銜叫「撫華道」，由「總登記官」兼任。
- 劇中嘅華人角色喬百川（林韋辰飾）喺第20集做咗候任華民政務司，但戰前香港政府嘅高級官員都係由英國人擔任，唔可能委任華人。而呢個職位嘅頭一位華人係1977年上任嘅李福逑（民政司）。
- 配合劇情需要，劇中嘅「華民政務司」、「巡警道」同「輔政司」分別由虛構人物菲臘費查（布偉傑飾）、白威廉（郭栢榮飾）同莊遜波特（紀保羅飾）擔任。現實中當時嘅「總登記官兼撫華道」、「巡警道」同「輔政司」分別由蒲魯賢、畢利同梅含理擔任。

呢篇福爾摩師奶係關於香港電視嘅楔位文章，重未完成嘅。麻煩你幫手補充佢嘅內容。