秋山真之
秋山真之（あきやま さねゆき，1868年4月12號—1918年2月4號，慶應4年3月20號-大正7年2月4號），細個叫「淳五郎」（じゅんごろう），係日本海軍軍人，最高軍銜係海軍中將。阿哥係陸軍大將、「日本騎兵之父」秋山好古，老婆係秋山季子（稲生すゑと），一共生咗四個仔兩個女。日本女政治人大石尚子係佢嘅外孫女。
| 秋山真之 | |
|---|---|
 | |
| 姓名原文 | 秋山真之 |
| 出生日 | 1868年4月12號  |
| 出生地 | 松山 |
| 死亡日 | 1918年2月4號 （49歲） |
| 死亡地 | 小田原 |
| 死因 | peritonitis |
| 國籍 | 日本 |
| 識嘅語言 | 日文 |
| 母校 | Imperial Japanese Naval Academy、开成完全中學 |
| 職業 | 軍人 |
| 僱主 | Naval War College |
[改維基數據] | |
生平 編輯
早期生涯 編輯
1868年4月12號（慶應4年3月20號），秋山真之喺伊予松山藩、松山城下嘅中徒町（而家嘅愛媛縣松山市）出世，係佢老竇秋山久敬嘅第五個仔。阿媽秋山貞係松山藩藩士山口家嘅女。
細個嘅秋山喺鄉下嘅私塾讀書，內容有漢學、和歌等等。後尾秋山真之嘅好朋友正岡子規去咗東京，佢受到好大刺激；而呢個時候秋山喺愛媛縣第一中學（而家嘅東松山高中）祗係讀到中五，但佢決定退學，並喺1883年（明治16年）帶住「將來要做到太政大臣呢個位」嘅雄心壯志起程去東京。到埔之後，秋山為咗考入東京大學，先喺私立書院共立學校（而家嘅開成高中）嗰度讀英文，後尾又考入咗東大嘅預科。
因為屋企窮，秋山真之喺東京讀預科嘅學費，係由佢阿哥好古出嘅。秋山本來一心諗住考入東京大學，但後來佢發覺，自己嘅志向同佢朋友正岡子規嘅好唔同；正岡子規打算做文人，志願係考到東京大學文學部。最後喺1886年（明治19年），秋山真之決定去讀海軍兵學校，並且成為第17期學員。
1890年（明治23年），秋山真之以同期第一名嘅成績由海軍兵學校畢業，正式成為一個海軍軍人，並且以少尉候補生嘅身份，分配到海防艦「比叡」號做實地演習。喺秋山實習嘅呢段時間，佢最受人注意嘅一件事，應該係有份參加將觸礁嘅鄂圖曼帝國軍艦「艾圖魯號」（土耳其文：Ertuğrul）嘅生還者送返去嘅行動。
盛年 編輯
1892年（明治25年），秋山升做海軍少尉。日清戰爭期間，秋山分配咗去偵察艦「筑紫」號，負責收集情報、救助傷兵之類嘅後勤事務。1896年（明治29年）年1月，秋山轉劃喺「横須賀」號嘅名下。喺甲午海戰期間，水雷嘅使用逐漸活躍起身，日本政府亦跟住設置咗海軍水雷術練習所（海軍水雷學校），秋山真之以學生身份喺度學習水雷嘅使用，畢業之後分配去横須賀水雷團第二水雷隊。後尾又升咗做海軍大尉，喺通訊艦「八重山」號服役。同年嘅11月，秋山以軍令部諜報科成員嘅身份去咗中國東北活動。
1898年（明治31年），日本海軍部打算揀一批人出國留學，秋山真之喺官費留學項目嗰度落選，但佢決定自己出錢去。到咗美國之後，秋山跟住著名軍事思想家馬漢學習，並且利用大學圖書館同海軍文庫嘅資料努力鑽研軍事理論。美西戰爭期間，秋山真之作為觀戰武官目睹咗聖地牙哥海戰嘅全過程：為咗封鎖古巴嘅聖地牙哥港，美國海軍採取所謂嘅「閉塞作戰」，之後秋山提交咗相關報告書「古巴·聖地牙哥之役」[1]。
註 編輯
- ↑ 在米國海軍大尉秋山真之：サンチャゴ・ヂュ・クバ之役，極秘諜報第百十八號。
