空手道
呢篇文講武術。想搵電影嘅話，請睇空手道 (電影) 。空手道，簡稱空手，係由琉球國武術唐手發展而來嘅一種武術。空手道技術包含踢、打、摔、拿、投、鎖、絞、逆技、點穴等多種技術，有啲流派重會練習武器術。空手道比賽大致分為型同自由組手兩大類。型係以假想敵做目標，單人進行空手道技術嘅預定動作表演練習；自由組手即係對打比賽，各種規則裏面，世界空手道聯盟（WKF）採用先中即得分，後中冇得分嘅規則，強調技術運用速度嘅技巧[1]。
起源
編輯關於空手道嘅起源有好多種講法。目前最為學術界所認同嘅一種講法係，空手道嘅前身係古代琉球嘅武術「琉球手」或「手」，融合咗傳入嘅中國武術之後，就俾琉球人尊稱做「唐手」；後來又接受咗日本武道嘅影響，成為現代嘅「空手道」[2]。