他唯黃路
(由竇依黃路跳轉過嚟)
他唯黃路（英文寫：Thanon Thawiwong）係泰國布吉府芭東嘅馬路，地圖上標號4033。響正海灘度，大約呈馬蹄型嘅南北方向，總長900幾米。條路響沙灘北頭，接住柏芭拉美路；南頭上山去芭東了望口，落山條路接住往南行去嘉侖海灘，條路改名為嘉侖-嘉塔路。
廣東話讀法：哩三隻字已經好接近泰音，「路」響泰文嘅發音係「達農」，要擺響路名嘅前頭，所以係「達農-他-wee-黃」。
有得玩：睇西蒙歌舞團嘅人妖騷（Simon Cabaret Show）。
又去買嘢：海洋百貨公司（Ocean Department Store），舊嘅海洋百貨2004年12月26號畀海嘯沖冧咗，依家喺南邊一條街口起番。
睇埋醫生：曼谷國際醫院門診部（Bangkok International Clinic）
交通：一般坐嘟嘟車要畀50泰銖（一至二人）、坐長的20銖。條馬路最尾（南端）係去布吉鎮嘅巴士總站，每個鐘一班車。響海灘度遞手就可以叫車停上落，搭哩路車一律畀十五銖。單獨行動嘅男士等車時可能有女人嚟漏你傾偈；話都唔識又點傾——咁你就唔駛問我。
去機場距離：46公里，搭的士識講價有酌數。一般500至600銖