第一國際
第一國際（英文：First International）原名國際工人協會（International Workingmen's Association 簡稱 IWA）係喺1864年世界唔同國家嘅工人組織，分別有英國、法國、波蘭、意大利、瑞士呢幾個國家嘅工人組織，以社會主義係為基本政綱，組成一個左翼工人組織。 呢個組織認為，佢哋要同統治階層抗爭，達到解放工人嘅目的，而呢種抗爭一定係國際性先有力量，所以就同全世界嘅工人組織一齊夾埋，就組成咗國際工人協會。但後來由於唔同嘅工人組織發生分歧，加上馬克思嘅巴黎公社成立，第一國際終於散晒。
起源 編輯
因為18世紀英國工業革命而令社會上多咗一個階層叫做工人階層，1767年到1844年期間，貴族地主沒收晒好多地，用嚟起工廠，農民被逼要去工廠做嘢。嗰陣好多人仲係有以前種封建思想，工人叫做低下階層，喺社會上無權無勢，好多細路仔未發育就要喺工廠做嘢，人工又低，工作環境又惡劣，又成日失業。
於是開始有工人為自己權利出嚟抗爭，發起民權運動，通常集體擺工呢種手段，去達到同權力階層平起平坐，加上社會主義興起，同1848年共產黨宣言發表，工人組織由只係自己一個行業嘅工人組成，變成唔同行業工人聯合組織，然後全世界工人組織又夾埋，就組成「國際工人協會」，就即係第一國際。
睇埋 編輯
參考 編輯
- 《社會主義思想淺介》 Anna Paczuska 著 程希譯 ISBN 962-17-8293-7