第二次布匿戰爭羅馬共和國迦太基之間第二次嘅布匿戰爭,打咗17年(前218年-前201年)。

第二次布匿戰爭爆發嗰時,迦太基(紫色)同羅馬(紅色)嘅領土

戰爭初期迦太基主帥漢尼拔率領軍隊由伊比利亞半島,穿過阿爾卑斯山,入侵羅馬本土。初時戰況對羅馬不利,不過羅馬逐漸穩定到自己本土形勢同埋將迦太基勢力逐出伊比利亞半島之後,喺前204年反攻迦太基。前202年迦太基打輸札馬戰役之後,第二次布匿戰爭打完。

場仗嘅結果令迦太基等同做咗羅馬嘅附庸國。迦太基要割讓全部海外同埋一部分非洲領土,亦要分50年畀賠款,並且要裁減軍備。迦太基冇得向非洲以外出兵,而且出兵都要得到羅馬批准,結果迦太基冇辦法喺軍事上對羅馬構成威脅之餘,佢淨低嘅領土都逐步俾羅馬嘅盟友努米底亞攻佔。