第1屆澳門行政長官選舉

第1屆澳門行政長官選舉響1995年5月15號舉行^[1]。

背景

1999年5月15日，澳門第一屆政府推選委員會第三次全體會議響澳門旅游活動中心舉行，一百九十九個推選委員會委員以間接選舉唔記名暗票方式投票^[1]。

5月15號，響籌委會秘書長陳滋英對選舉事項做咗說明之後，朝早十點四十分開始投票，十一點零五分結束投票^[1]。

總監票人話收返一百九十九張選票，同發出嘅選票數目一樣，選舉有效。何厚鏵攞到一百六十三張，區宗杰攞到三十四張，棄權票兩張。之後由錢其琛宣布，何厚鏵贏出做澳門第一任行政長官。之後會由籌委會報請中央人民政府任命^[1]。

大會結束之後，何厚鏵舉行咗記者招待會。佢首先向推選委員、全澳市民、朋友同屋企人表示感謝，向區宗杰致意。佢承諾，堅決落實「一國兩制」，嚴格執行基本法，竭盡全力服務澳門市民，令澳門平穩過渡，邁向繁榮進步。佢希望大家同心協力，團結一致，自強不息，共同建設未來^[1]。

正響葡萄牙首都里斯本嘅澳門總督韋奇立響知道何厚鏵贏出之後發來賀電。佢表示將予以充分合作，令澳門實現平穩過渡^[1]。