澳門葡文Macau,1557年—1999年12月19號),又叫做葡萄澳政府葡屬澳門澳門葡治時期,係葡萄牙王國中文葡萄牙王國葡萄牙共和國管治澳門嘅嗰時。澳門係西洋國家喺遠東(東亞)嘅第一個同埋最後一個殖民地。

澳門
Macau
葡萄牙海外屬地

1557年-1999年
澳門旗(1967-1976) 澳門盾徽 (1976-1999)
國歌
愛國歌英文Hymno Patriótico(1808–1826)
Hino Patriótico
憲章之歌英文Hino da Carta(1826–1911)
Hino da Carta

葡萄牙人(1911–1999)
A Portuguesa
澳門位置圖
澳門位置圖
首都首府 澳門
常用語文 葡萄牙語(官方)、粵語
政體 葡萄牙海外屬地
葡國元首
- 1557年 葡國國王中文葡萄牙君主一覽約翰三世英文João III of Portugal(首位)
- 1996年-1999年 葡國總統中文葡萄牙總統沈拜奧英文Jorge Sampaio(末任)
澳門總督
- 1557年-1558年 馬士加路也(首任)
- 1991年-1999年 韋奇立(末任)
立法機構 澳門立法會中文澳門立法會 (葡屬澳門)
歷史
 - 葡人租界澳門 1557年
 - 殖民地時期 1887年
 - 海外省時期 1951年
 - 託管地時期 1976年
 - 澳門治權移交 1999年12月20號
面積
- 1912 11.6 平方公里
- 1991 18.1 平方公里
人口
- 1991估計 353,623
  密度 19,537.2 每平方公里
通貨 澳門幣 (1894年起)
而家屬於 中華人民共和國 中華人民共和國
  澳門 澳門特別行政區

1557年,葡萄牙人第一次黎到澳門,並喺明朝嗰度租界澳門。1887年改爲殖民地(Colônia)。共和國時期嘅1951年,澳門升格為海外省(Província Ultramarina)。澳門最後於1976年成爲葡萄牙託管地,跟住喺1999年12月20號,澳門正式成爲中國嘅領土,中方叫呢做「澳門回歸」,葡萄牙則叫「澳門政權交移」(Transferência de Poderes de Macau)。回歸之後,由於同依家嘅澳門(澳門特別行政區)嘅簡稱一樣,傳媒就將殖民嗰時嘅政府叫做澳葡政府

名字 編輯

中文 編輯

澳門古時係一個小漁村,本名係『濠鏡澳』(粵拼:Hou4 Geng3 Ou3),『澳』呢個字響個陣係『港口』嘅意思。以前嘅澳門盛產,由於蠔嘅殼入邊光滑似鏡,後來嘅文人就改叫叫做『濠鏡』。清乾隆年出版嘅《澳門記略》就講:『濠鏡之名,著於《明史》。東西五六里、南北半之,有南北二灣,可以泊船。或曰南北二灣,規圓如鏡,故曰濠鏡。』另外呢本書都引申出『濠江』、『海鏡』、『鏡海』之類嘅澳門別名。

外文 編輯

澳門嘅外文名『Macau』嘅來源就眾說紛紜,有啲就講呢名嚟自粵語臭話。根據澳門旅游部嘅說法,澳門外文名嚟自當地嘅民間信仰『天后娘娘』。

傳說喺明朝中期嘅時有一艘嚟自福建漳州嘅漁船響風平浪靜嘅日子航行。突然間遇到暴雨。喺危險關頭,有位女仔行咗出嚟,之後暴雨停止,海面有返到平靜。漁船平安返去『海鏡港』(澳門)。上岸之後,漁民睇到嗰女仔就行咗去媽閣山,忽然一輪光環照響佢嘅身,佢就唔見咗,呢班人就認為係天后媽祖顯靈,就響媽閣山建廟,就係今日嘅『媽閣廟』。

十六世紀中葉,第一批葡萄牙人嚟到澳門,佢哋就問當地人呢度嘅名,當地人就以為係問緊廟,佢哋就答『馬閣』,葡萄牙人就音譯成『Macau』

歷史 編輯

初初成立嗰陣 編輯

葡萄牙王國最早係響1517年(明正德十一年)佔領屯門,建立『葡屬屯門』,但葡萄牙響1523年(明嘉靖二年)嘅茜草灣戰役中文茜草灣戰役輸咗之後,響1553年(明嘉靖三十二年)移去澳門,1557年(明嘉靖三十六年)正式定居。1583年(明萬曆十一年)成立澳門市政廳。當時嘅澳門係租借地,所以葡萄牙政府需要每年畀500兩白銀明政府。1616年(明萬曆四十四年),Francisco Lopes Carrasco 任命為澳門總督,但冇到任。1623年(明天啟三年),馬士加路也(Francisco Mascarenhas)就任為澳門總督[1][2]

清朝前期嗰陣,因為清政府鎖國政策,雖然響澳門住嘅鬼佬冇畀趕走,但葡萄牙國家嘅衰弱、再加上同新殖民國家荷蘭王國嘅競爭,澳門嘅經濟就變得蕭條。不過呢段時間天主教嘅傳教事業仲係比較繁盛,直到後來雍正乾隆嘅時禮儀之爭,受到嘅約束變多[3]。後來中英暴發鴉片戰爭,簽訂《南京條約》中國割咗香港畀英國,葡萄牙政府就派人去同清廷談判要求免地租同埋畀葡派軍掌住澳門半島。葡政府為咗同隔江嘅香港競爭,1848年葡國女王瑪麗亞二世宣布澳門成為自由港,吸引外國商人入嚟投資行商。1849年澳門總督亞馬留畀刺殺之後,清朝同葡國交惡又暴發戰爭,澳門戰後就成為葡國嘅合法資產。1851年葡軍佔領氹仔,1864年又佔領路環,清廷正式喪失對澳門嘅主權。

1887年,清廷同葡國簽署《中葡和好通商條約》,同意葡國永居管理澳門,但係未經中國同意唔可以轉讓澳門畀其他國家。之後,澳門法理上正式成為葡國殖民地。

一戰同二戰 編輯

1928年4月,《中葡和好通商條約》期滿之後,民國國民政府同葡國重簽《中葡和好通商條約》,葡國繼續維持響澳門嘅管理。

1937年第二次中日戰爭暴發、1939年第二次世界大戰開始,嗰陣嘅葡國(葡萄牙第二共和國)宣布中立,做為核心國嘅大日本帝國冇佔領澳門,但係對澳門實行經濟封鎖。1938年10月,葡軍為保護澳門,佔領咗澳門附近嘅橫琴島,日軍冇驅逐葡軍,直到1940年4月先佔領橫琴島[4]

戰後到回歸 編輯

1955年,葡國宣布澳門為海外省(província ultramarina)。1966年12月3號一二三事件後,親中共社團控制咗澳門社會。1975年4月25號葡國康乃馨革命(Revolução dos Cravos)後,新嘅葡國政府(葡萄牙第三殖民地,依家嘅葡國)放棄全部海外殖民地,撤銷澳門嘅司令部同軍隊,又宣布澳門係『葡國治下嘅中國領土』。1979年2月8號,葡國同中國建交,同意喺啱嘅時間解決澳門問題。1987年8月28號,中葡《中葡聯合聲明》。1988年1月15號,聯合聲明生效。1999年12月20日,澳門主權移交,葡國統治澳門嘅442年歷史正式完結。

出面網頁 編輯

  • Gunn, Geoffrey C. (1996). Encountering Macau, A Portuguese City-State on the Periphery of China, 1557–1999. Westview Press. ISBN 0-8133-8970-4.
  • Official website of the Portuguese Government of Macau (web archive) (葡萄牙文) (1999)
  1. C. A. Montalto de Jesus (1902年). Historic Macao. Kelly & Walsh, Limited. p. 64.
  2. Richard J. Garrett (2010-03-01). The Defences of Macau: Forts, Ships and Weapons over 450 years. Hong Kong University Press. pp. 11, 14. ISBN 978-988-8028-49-8.
  3. .
  4. "Former Foreign Colonies and Major Concessions in China". www.worldstatesmen.org. 原著喺2018-08-17歸檔. 喺2023-08-21搵到. {{cite web}}: Unknown parameter |dead-url= ignored (|url-status= suggested) (help)