第13屆埃及總統選舉

第13屆埃及總統選舉響2018年3月26到28號舉行，如果冇人攞到過半數選票贏出，就要響四月尾舉行第二輪投票^[1]。

背景

2013年，塞西發動軍事政變，將前總統穆爾西趕落台，第二年重新舉行大選，但係禁止穆爾西所屬嘅穆斯林兄弟會嘅成員參選，最後塞西響大選入面攞到九成以上選票贏出，外界預料塞西會輕鬆連任^[1]。

2018年3月26號，響反對派號召杯葛選舉下，今次大選投票率成為關注焦點，當局希望藉住高投票率增加塞西贏出嘅代表性^[2]。

2018年1月19號，塞西透過電視公布參選總統消息，又講自己任內嘅政績，包括經濟有初期復蘇，佢承諾三月嘅總統選舉係會自由同透明，所有人都有公平參選嘅機會^[1]。

2018年1月20號，武裝部隊前參謀長安南響個人社交網站宣布參選，強調要從錯誤嘅政策入面將埃及拯救出來，佢又呼籲民間同軍方所有機構要響大選入面保持中立^[3]。

塞西嘅唯一對手係明日黨話事人穆薩，但係冇咩人識^[2]。

埃及過去幾年政局持續動盪，經濟唔掂，有選民認為同美國結盟嘅塞西可以穩定國家，相信塞西可以順利贏到第二個四年任期，雖然塞西早前講明冇諗住響下屆選舉再逐競連任，但有關注組織質疑塞西可能會運用影響力推動修憲，放寬憲法入面嘅總統任期限制^[2]。