Now新聞

  提示：呢篇文講嘅唔係Now新聞台、NOWnews今日新聞或NOW健康。

Now新聞（前稱：Now寬頻電視新聞；英文：Now News）係香港Now TV旗下嘅新聞機構。

Now新聞

Now News
開檔	2006年3月20號 (2006-03-20)
總部地址	香港香港灣仔電訊大廈3樓
緊要人物	陳鐵彪（總監） 吳宜婷（助理總裁）
產業	電視廣播
產品	新聞、時事同資訊節目
母公司	Now寬頻電視有限公司
網址	Now新聞網頁

now新聞台及財經台直播新聞中心設於灣仔電訊大廈

Now新聞係香港現時最大嘅電視新聞網絡，擁有多條新聞、財經及資訊頻道，同時透過手機應用程式提供新聞直播同資訊節目點播服務。現時呢個機構喺NowTV收費電視平台播放Now直播台（331頻道）、Now新聞台（332頻道）、Now財經台（333頻道）、Now報價台（336頻道）、交通頻道（375頻道）、天氣頻道（376頻道）及航班資訊（377頻道）。2016年起，Now新聞為同屬電訊盈科嘅免費電視頻道ViuTV每日提供多節新聞報道，亦同路透社合作製作英語新聞報道。雖然now新聞開台唔久，但其公信力評分同排名一直上升，2019年更超越其競爭對手有線新聞及香港電台，榮登全港公信力第一嘅電子傳媒。

Now新聞早喺now寬頻電視（今Now TV）啟播時已經成立，但初時需要依賴24小時亞視新聞台及其他國際新聞頻道如CNN。其自製有關新聞嘅頻道需要到2006年3月20號先出現，首個自製嘅頻道係Now財經台，之後再發展Now報價台、Now直播台，並於翌年啟播Now新聞台。另外，資訊性頻道，例如：交通頻道、天氣頻道及航班資訊亦喺now寬頻電視啟播時已經播放。

「Now新聞」總部

Now新聞（包括Now直播台、Now新聞台及Now財經台）總部設於灣仔電訊大廈三樓。

報道手法

• 香港於2008年9月7號舉行第四屆立法會選舉，新聞台或電視台新聞部傳統上會喺選舉前製作一啲專題報導略略簡介一下選情，但now新聞台則喺6月已經開始咗，而且報導得非常深入，甚至加入一啲分析元素，更喺8月時喺馬鞍山恆安商場、奧海城、九龍灣展貿中心、愉景新城及演藝學院舉辦咗五場論壇（五個地方選區），又舉辦咗功能組別嘅論壇及其相關專題報導，可見佢對呢次立會選舉嘅重視。