第25屆泰國眾議院選舉
第25屆泰國眾議院選舉響2014年2月2號舉行[1]。
第25屆泰國眾議院選舉
| |||||||||||
|---|---|---|---|---|---|---|---|---|---|---|---|
‹ 2011 •  • 2019 ›
| |||||||||||
| 2014年2月2號 | |||||||||||
| 選舉類型 | 眾議院 | ||||||||||
| 選舉制度 | 單議席雙票制 | ||||||||||
| 議席數目 | 500 | ||||||||||
| 選舉席次 | （過半數要251席） | ||||||||||
|
|
英祿－為泰黨 | ||||||||||
|
|
阿披實－民主黨 | ||||||||||
| 投票數 | 抵制選舉 | ||||||||||
 泰國總理 | |||||||||||
背景
編輯總理英祿響反政府示威者要求佢落台嘅壓力下，宣布解散國會提前大選[1]。
1月15號，反政府示威持續封鎖曼谷行動去到第三日，市入面發生多單零星暴力事件。有激進派示威者話，英祿到呢日唔辭職嘅話，就會佔據機場通訊電台同股票交易所。而堅持唔辭職嘅看守總理英祿話，即管面對壓力，2月2日嘅泰國選舉會如期舉行。英祿朝早同七十個代表唔同利益嘅黨派開會。傾選舉委員會提出，將原定2月舉行嘅大選，押後到5月舉行嘅方案。不過選舉委員會只係派代表出席，發起反政府示威嘅人民民主改革委員會同在野民主黨，都冇出席會議。之後英祿話：「政府同選舉委員會都冇權押後大選，而大部分參加會議嘅人都同意如期舉行大選[1]。」
結果
編輯2月2號投票日有示威者堵塞道路，阻止選民投票，全國有成五分一選區票站無法運作[1]。
後續
編輯2月4號泰國在野民主黨黨魁阿披實話，會要求憲法法院裁定2號選舉違反憲法第六十八條，亦即禁止民眾以唔合憲嘅手段，攞到管治國家權力嘅條文，兼宣佈選舉無效，同時會要求法院解散看守總理英祿所屬嘅為泰黨。另一方面，反政府示威領袖素貼話，將會全面封鎖曼谷，重會派人包圍英祿屋企同仍然運作嘅政府機構。但素貼表明，示威者唔會強行入去建築物入面，又話噉樣做，會令到看守政府對佢哋採取暴力行動[2]。
3月泰國憲法法院宣布，由於2月2號嗰日唔係全國各地選民同時投票，所以今次大選係違憲，所以大選冇效[1]。
分析
編輯分析認為，2月大選冇效，政府要再重新訂過新嘅投票日子。國會唔知幾時可以重開，選出新總理同成立新政府[1]。