第27屆奧地利國民議會選舉

第27屆奧地利國民議會選舉響2017年10月15號舉行。

第27屆奧地利國民議會選舉
奧地利選舉政治專題
‹ 2013 •  • 2022 ›
2017年10月15號
議席數目				183
選舉席次				183（過半數要92席）
選舉統計
選民人數						6,400,998
總投票數						4,483,479
‎總投票百分比 無效選票　　　　　　　　46,805
							70% ▼ 4.91%
			庫爾茨－人民黨
			投票數				1,538,409 ▲7.7%
			獲得議席						62 ▲ 15
									31.7%
			克恩－社民黨
			投票數				1,292,902 ▼0.1%
			獲得議席						52 ▬ 0
									26.7%
			施特拉赫－自由黨
			投票數				1,284,262 ▲6%
			獲得議席						51 ▲ 11
									26.5%
			新奧地利和自由論壇
			投票數				249,903 ▲0.3%
			獲得議席						10 ▲ 1
									5.3%
			彼得皮爾斯名單
			投票數				205,382
			獲得議席						8 ▲ 8
									4.2%
			綠黨
			投票數				174,498 ▼8.8%
			獲得議席						0 ▼ 24
									3.6%
選票分佈圖
62   人民黨   51   自由黨   8   彼得皮爾斯名單						52   社民黨   10   新奧地利和自由論壇
奧地利總理
選前 克恩 社民黨						選後 庫爾茨 人民黨

背景

由於社會民主黨同人民黨組成嘅執政聯盟響5月尾決裂，搞到國民議會選舉提早一年舉行。

大約六百四十萬合資格選民，將會從16個政黨候選人投票決定一百八十三個國民議會議席誰屬，政黨要至少攞到百分之四嘅選票先能夠分到議席。

候選人

社會民主黨

奧地利各政黨響投票日前盡最後努力拉票，受中東難民問題影響，總理克恩領導嘅中間偏左社會民主黨，選前民調只係排第三位。克恩響維也納嘅造勢活動，話要響公營部門創造二萬個新職位，重聲明如果輸咗就會成為反對派，唔會加入執政聯盟。而克恩一名顧問早前攻擊右翼人民黨黨魁庫爾茨係反猶太，亦打擊社會民主黨選情。

人民黨

人民黨響選前民調就以超過三成支持率領先，人民黨主張近年由中間派逐漸向右轉。本身做外長嘅黨魁庫爾茨承諾阻止非法移民入境，亦批評歐盟近年對移民管理失控，反移民主張得到唔少後生選民支持，假如人民黨贏出選舉，三十一歲嘅庫爾茨，將會成為歐洲最年輕嘅領袖。

民意調查

民調話，社民黨響今次選舉入面將會輸畀人民黨。

結果

奧地利內政部長公布，點算票站選票之後人民黨得票率係百分之三十一點四，係得票最多嘅政黨，而現任總理克恩領導嘅社會民主黨得票率係百分之二十六點七。

後續

人民黨

人民黨魁庫庫爾茨響票站調查話，佢會帶領人民黨贏出之後接受支持者祝賀。佢話今次係歷史性勝利，好多人對佢寄以厚望，佢會全力以赴，為奧地利帶來改變。佢亦話希望建立一個穩定政府，但如果同其他政黨籌組聯合政府失敗，佢亦唔排除成立少數政府執政。

社會民主黨

現任總理克恩說佢唔會辭去黨魁職務，又話會同人民黨開展談判。

自由黨

自由黨領袖施特拉赫話，今次選果結果顯示有近六成奧地利民眾支持佢哋提出嘅政策。

分析

選前

歐洲響2015年爆發難民潮，唔少難民取道奧地利去歐洲各國，奧地利本身亦接收咗十萬難民，令難民同伊斯蘭議題成為今次選舉焦點，同埋今屆選舉，由於兩個主要政黨都提出反移民等保守政策，意味奧地利將會好大機會出現右翼新政府。

選後

由於重未計埋郵寄選票，要16號先開始點票，數目超過八十萬張，佔總選票數目嘅六分之一，加上社會民主黨嘅得票只係落後極右自由黨唔夠百分之一，意味邊個政黨成為第二大黨重有變數，連帶影響組閣談判。但由於社會民主黨同人民黨唔啱牙，外界分析人民黨好可能同自由黨合作，出現右派政黨聯盟，呢兩個政黨響競選期間提出收緊移民、驅逐尋求庇護者同打擊極端伊斯蘭主義等政策，一旦兩黨合作，新政府將會向右傾。不過，由於庫爾茨提倡親歐盟政策，預料唔會對歐盟團結有負面影響。