第4屆耶加達省長選舉
第4屆耶加達省長選舉響2017年2月15號舉行，而第二輪選舉就響4月19號舉行。跟據非官方嘅初步點票結果話，前教育部長阿尼斯擊敗現任省長鍾萬學，全國選舉委員會在響5月初，會公布官方點票結果[1]。
第4屆耶加達省長選舉
| |||||||||||
|---|---|---|---|---|---|---|---|---|---|---|---|
‹ 2012 •  • 2022 ›
| |||||||||||
| 2017年2月15號 | |||||||||||
| 選舉類型 | 省長 | ||||||||||
| 選舉統計 | |||||||||||
總投票百分比
| |||||||||||
| 77.0% | |||||||||||
|
|
阿尼斯－大印尼運動黨 | ||||||||||
| 第一輪投票數 | 2,200,636 | ||||||||||
| 第二輪投票數 | 3,240,332 ▲47.2% | ||||||||||
| 40.05% | |||||||||||
| 57.95% | |||||||||||
|
|
鍾萬學－ 印尼鬥爭民主黨
| ||||||||||
| 第一輪投票數 | 2,357,587 | ||||||||||
| 第二輪投票數 | 2,351,245 ▼0.3% | ||||||||||
| 42.91% | |||||||||||
| 42.05% | |||||||||||
 耶加達省長 | |||||||||||
背景 編輯
耶加達作為印尼首都同埋商業中心，今次省長選舉備受關注，亦都認為係兩年後總統大選嘅前哨戰[1]。外界普遍認為，宗教議題主導咗今次選舉[2]。
尋求連任嘅鍾萬學曾經推出好多改革，令佢獲得唔少民眾支持。但係佢鍾萬學響2016年被指褻瀆可蘭經，引發大批穆斯林不滿，發生一場又一場大型示威，矛頭直指鍾萬學，佢重因為咁而捲入官司。官司纏身嘅鍾萬學就繼續爭取連任，令宗教同種族成為省長選舉嘅焦點，亦係保守派同溫和派嘅對決。不過，有穆斯林講明，唔希望由非穆斯林嘅人做省長[2]。印尼嘅穆斯林人數超過兩億，佔總人口差唔多九成，大多數人本身對其他宗教同生活方式持包容態度，但係近年保守派抬頭。外界認為，呢次選舉結果將會係印尼係唔係愈趨保守嘅指標，考驗國民對宗教嘅包容度[3]。
除此之外，省長大戰重涉及到更高層次嘅政治盤算，因為外界視呢個職位係總統嘅跳板。總統佐戈維多多2014年選總統之前，出身就係耶加達省長，當時鍾萬學係佢嘅副手。各界預測鍾萬學一旦連任省長，好有可能會再跟佐戈維多多拍住上，角逐正副總統大位。但劍指總統寶座嘅，重有另外兩大穆斯林挑戰者佢哋嘅背後勢力，而且全都都大有來頭。年僅38歲嘅阿尼斯雖然冇從政經驗，但係有老豆前總統蘇西洛做後盾。有陰謀論話，蘇西洛為咗嗰仔，響背後推波助瀾，煽動民眾示威[3]。
至於同鍾萬學勢均力敵嘅前教育部長阿尼斯，後台就係前總統蘇哈托女婿普拉博沃。普拉博沃三年前曾經出戰總統選舉，但不敵佐科維多多。佢呢個時候推舉阿尼斯，相信係為捲土重來，再戰總統選戰鋪路[3]。
雖然鍾萬學響2月舉行嘅第一輪投票得票最多，但係由於攞唔到過半數選票，所以要搞第二輪投票[2]。
《耶加達郵報》形容，今次選舉係歷來最污糟、最兩極化同埋最分裂嘅[1]。
搞事 編輯
呢次選舉警方話拉咗十五人，指佢哋涉嫌響票站到搞事[1]。
民意調查 編輯
投票結束後，多間民意調查機構馬上搞抽樣調查。初步結果話，獲保守派穆斯林支持嘅阿尼斯，得票率介乎響百分之五士五至百分之六十之間，較尋求連任嘅華裔基督徒鍾萬學多[1]。
後續 編輯
支持鍾萬學嘅總統佐戈響投票之後發表聲明，話唔應該畀政治分歧破壞國家團結，又話無論邊嗰贏出都應該接受選舉結果[1]。
而尋求連任嘅鐘萬學就召開記者會承認落敗，重恭賀對手、前教育部長阿尼斯贏出。佢指剩底嘅任期會致力完成工作，呼籲選民忘記對立，共建美好耶加達[2]。