第5屆大倫敦市長選舉

第5屆大倫敦市長選舉喺2016年5月5號舉行^[1]。

候選人

薩迪克汗今年四十五歲，係嚟自巴基斯坦基層移民家庭，響競選期間提出嘅口號有^[2]：

但係佢嘅穆斯林身分令佢響選舉期間成日受到攻擊，包括佢最大對手、保守黨嘅戈德史密斯話佢同極端穆斯林分子有連繫^[2]。

工黨候選人薩迪克汗響選舉前民意調查就一路領先，出身草根階層嘅佢主張英國留喺歐盟^[1]。

外界相信薩迪克汗好大機會做首位信奉伊斯蘭教嘅倫敦市長，接替做咗八年倫敦市長嘅約翰遜^[1]。

戈德史密斯今年四十一歲，身為金融大亨個仔係保守黨下議員，而且又支持英國脫歐，係工黨嘅薩迪克汗主要對手^[1]。

薩迪克汗響選舉入面以接近五成七嘅選票贏出，打低主要對手保守黨嘅戈德史密斯^[3]。

倫敦首個穆斯林市長薩迪克汗宣誓就任，承諾會為所有倫敦市民服務，又希望自己嘅經歷可以鼓勵後生仔同少數族群關心政治^[2]。

佢上任之後，預料會從樓價同人工方面入手，從而減輕倫敦市民嘅生活負擔^[2]。

薩迪克汗就任倫敦市長嘅儀式響當地一間教堂舉行，佢入場嗰時得到在場嘅人站立歡迎^[2]。

呢嗰倫敦首位穆斯林市長，響當地警察總長、唔同嘅宗教領袖、政客、明星之類嘅人見證底下，響任命書上面簽字，正式開始四年任期，佢承諾會做一位代表倫敦所有市民嘅市長^[2]。

薩迪克汗之後接受訪問，表示就嚟會去辭咗國會議員職位，又希望向英國穆斯林市民同少數族群傳達應該參加政治嘅訊息^[2]。

薩迪克汗響訪問入面強調，自己用咗畢生精力去對抗極端主義，依家只會專注市長職務，唔會太在意戈德史密斯響競選時講過嘅嘢^[2]。