第52屆紐西蘭國會選舉

第52屆紐西蘭國會選舉響2017年9月23號舉行，執政國家黨同在野工黨競爭激烈。

第52屆紐西蘭國會選舉
紐西蘭選舉政治專題
‹ 2014 •  • 2020 ›
2017年9月23號
選舉制度				單選區兩票制 補償比例代表制
議席數目				120
選舉席次				120（過半數要61+席）
選舉統計
總投票數						2,563,740
‎總投票百分比
							78.8% ▲ 0.9%
			標英吉利－國家黨
			投票數				998,813 ▼1%
			獲得議席						58 ▼ 1
									46.03%
			阿德恩－File:New Zealand Labour logo.svg工黨
			投票數				776,556 ▲10.7%
			獲得議席						45 ▲ 13
									35.79%
			彼得斯－第一黨
			投票數				162,988 ▼1.2%
			獲得議席						9 ▼ 3
									7.51%
			詹姆斯－紐西蘭綠黨
			投票數				126,995 ▼4.9%
			獲得議席						7 ▼ 7
									5.85%
			紐西蘭行動黨
			投票數				10,959 ▼0.2%
			獲得議席						1 ▬ 0
									0.51%
			毛利黨
			投票數				23,452 ▼0.2%
			獲得議席						0 ▼ 2
									1.08%
			聯合未來黨
			投票數				1,469 ▼0.2%
			獲得議席						0 ▼ 1
									0.07%
議席分佈圖
58   國家黨   9   第一黨   1   紐西蘭行動黨						45   工黨   7   紐西蘭綠黨
紐西蘭總理
選前 標英吉利 國家黨						選後 阿德恩 工黨

制度

根據紐西蘭選舉制度，政黨要攞到國會百二席入面嘅六十一席先可以籌組政府。

背景

全國三百幾萬合資格選民將會決定國會百二個議席花落誰家，。而投票會響當地時間晚黑七點結束，預計選舉委員會響凌晨就會點完票。而海外等地區嘅百二萬選民就一早已經提早投票。

候選人

國家黨

總理英格利希話，民調結果搖擺唔定，輕微改變都可能對投票結果，帶來重大影響。佢又話，紐西蘭響國家黨帶領之下越來越繁榮，重承諾未來會減稅，呼籲選民繼續支持國家黨。

工黨

8月臨危受命領導工黨嘅雅登選前民望飆升，佢話如果成功籌組政府，將會興建大量平樓應對目前嘅高樓價，重會將更多資源用響醫療同教育上。

民意調查

選前最後民調話，國家黨嘅支持率有四成半，領先工黨七個百分點。

結果

今屆選舉初初結果係執政國家黨同在野工黨都攞唔夠足夠議席獨立籌組政府，由於海外選民嘅點票要響10月7日先公布，預計要多幾個禮拜嘅時間先知大選嘅最終結果。

後續

組閣前

國家黨

響大部分選票點完之後，領導執政國家黨嘅總理英格利希同支持者見面，佢承認國家黨唔能夠單獨組成政府。佢話會同其他政黨合作籌組聯合政府，被睇成造王者嘅紐西蘭第一黨會係佢地拉攏嘅目標。

工黨

在野工黨黨魁雅登冇認輸，佢跟支持者見面時話，國家黨響大選中攞到最多選票，但係呢場「賽事」重未完。佢重話未來幾日會穩紐西蘭第一黨同盟友紐西蘭綠黨嘅支持籌組聯合政府。

第一黨

成為下屆政府「造王者」嘅紐西蘭第一黨，黨魁彼得斯9月24號話，佢已經開始同黨友商量支持邊嗰政黨，佢強調未同國家黨又或者工黨接觸，亦冇透露幾時公布決定。

組閣後

10月19號，大選結束一個月左右，終於成功籌組到新政府。工黨黨魁雅登響記者會到形容係令人興奮嘅一日，佢感謝紐西蘭第一黨同綠黨選擇同工黨合作，又話工黨目標係籌組屬於每一個紐西蘭人嘅政府，建立更好同更公平嘅紐西蘭。

分析

選後

紐西蘭大選結束，原本執政嘅國家黨同在野工黨都攞唔到過半數嘅六十一席，需要揾有九席揸手嘅紐西蘭第一黨合作籌組聯合政府。

組閣後

年僅三十七歲嘅雅登將會成為紐西蘭歷來第三位女總理，亦係當地超過一百五十年來最後生嘅總理。綠黨雖然支持工黨嘅執政聯盟，但係就唔知會唔會加入政府。